‘சிறுத்தை’ சிவா, அஜீத்துடன் மூன்றாவது முறையாக இணைந்துள்ள ‘விவேகம்’ படத்தின் இறுதிக்கட்ட படப்பிடிப்பு, பல்கேரியாவில் நடைபெற்று வருகிறது. இந்நிலையில், அடுத்து ரஜினியை இயக்கப் போகிறார் சிவா என்ற தகவல் வெளியாகியுள்ளது. ரஜினிக்காக மாஸ் எண்டர்டெயின்மெண்ட் கதை ஒன்றைத் தயார் செய்து வைத்துள்ள சிவா, சென்னை திரும்பியதும் விரைவில் ரஜினியைச் சந்தித்து கதை சொல்வார் என்கிறார்கள். தற்போது ஷங்கர் இயக்கத்தில் ‘2.0’ படத்தில் நடித்துவரும் ரஜினி, அடுத்து பா. இரஞ்சித் இயக்கத்தில் நடிக்கிறார். இந்தப் படத்தை ரஜினியின் மருமகனும், நடிகருமான தனுஷ் தயாரிக்கிறார். இந்தப் படத்துக்குப் பின் எதிலும் கமிட்டாகாத ரஜினி, அநேகமாக சிவா படத்தில் நடிக்கலாம் என்று கூறப்படுகிறது.
