பாரதிராஜா வராததால் ஏமாந்துபோன மணிரத்னம்

மணிரத்னத்திடம் உதவியாளராக இருந்தவர் தனா. இவர் இயக்குநராக அறிமுகமாகும் ‘படைவீரன்’ படத்தின் பாடல் வெளியீட்டு விழா நேற்று நடைபெற்றது. இந்த விழாவில் மணிரத்னம், பாரதிராஜா, தனுஷ் ஆகியோர் கலந்து கொள்வார்கள் என்று கூறப்பட்டிருந்தது. ஆனால், பாரதிராஜா, தனுஷ் இருவரும் வரவில்லை. தனுஷ் வெளியூரில் இருப்பதால் வரவில்லை என்று காரணம் சொன்னார்கள். ஆனால், சென்னையில் இருந்தும்கூட பாரதிராஜா வரவில்லை. இத்தனைக்கும், இந்தப் படத்தில் முக்கிய கேரக்டரில் நடித்திருக்கிறார் பாரதிராஜா. “தமிழ் சினிமாவில் பாரதிராஜாவின் தாக்கம் இல்லாமல் யாரும் படம் எடுக்க முடியாது. அந்த அளவுக்கு புதுமைகளைப் புகுத்தியவர். அவர் வந்திருந்தா இந்த நிகழ்ச்சி நன்றாக இருந்திருக்கும். நானும் அவருடன் கொஞ்ச நேரம் ஜாலியா பேசிக்கிட்டு இருந்திருப்பேன்” என்றார் மணிரத்னம்.