மூன்று வேடங்களில் விஷால்

நடிகர் சங்க செயலாளர், தயாரிப்பாளர்கள் சங்கத் தலைவர் என சங்கப் பணிகளில் பிஸியாக இருந்தாலும், நடிப்பையும் விட்டுவிடாமல் தொடர்கிறார். கார்த்தியுடன் இணைந்து ‘கறுப்பு ராஜா வெள்ளை ராஜா’ படத்தில் நடிப்பவர், அடுத்ததாக ஒரு படத்தில் மூன்று வேடங்களில் நடிக்கிறார். இயக்குநர் பொன்ராமிடம் உதவியாளராகப் பணியாற்றிய வெங்கடேசன் இந்தப் படத்தை இயக்குகிறார். இந்தப் படத்துக்கு ‘நாளை நமதே’ என்று பெயர் வைத்துள்ளனர். எம்.ஜி.ஆர்., லதா நடிப்பில் 1975ஆம் ஆண்டு வெளியான படத்தின் தலைப்பு இது. சி.வி.குமாரின் ‘திருக்குமரன் எண்டர்டெயின்மெண்ட்’ மற்றும் அபினேஷ் இளங்கோவனின் ‘அபி & அபி பிக்சர்ஸ்’ இணைந்து இந்தப் படத்தை மிகப்பெரிய பொருட்செலவில் தயாரிக்கின்றன. இந்தப் படத்தில் இரண்டு ஹீரோயின்களாம். காமெடி கேரக்டரில் நடிக்கிறார் சதீஷ்.