டான்ஸராக நடிக்கும் வரலட்சுமி

மணிரத்னம் மற்றும் ஏ.ஆர்.முருகதாஸிடம் உதவி இயக்குநராகப் பணியாற்றியவர் சர்ஜுன். இவர் இயக்குநராக அறிமுகமாகும் படம் ‘எச்சரிக்கை இது மனிதர்கள் வாழும் இடம்’. இரண்டு தனி மனிதர்கள் வாழ்வில் ஒரு குற்றம் குறுக்கிடுவதும், அதை போலீஸ் அதிகாரி துப்பறிந்து கண்டுபிடிப்பதும்தான் படத்தின் கதை. இந்தப் படத்தில், ஓய்வுபெற்ற போலீஸ் அதிகாரியாக நடித்து வருகிறார் சத்யராஜ். ‘போடா போடி’, ‘தாரை தப்பட்டை’ படங்களைத் தொடர்ந்து, இந்தப் படத்திலும் டான்ஸராக நடிக்கிறார் வரலட்சுமி. அவர் நடனத்தில் தேர்ந்தவர் என்பதால், அந்த மாதிரி வாய்ப்புகளே தேடிவருகின்றன. நடைபெற்ற குற்றத்தால் பாதிக்கப்பட்டவர்களில் ஒருவராக நடித்துள்ளார் வரலட்சுமி.