பாலாவின் ‘தாரை தப்பட்டை’ படத்தில் வில்லனாக நடித்தவர் ஆர்.கே.சுரேஷ். தயாரிப்பாளரான இவர், தற்போது ஹீரோவாக நடிக்கும் படம் ‘வேட்டை நாய்’. ஜெயசங்கர் இயக்கும் இந்தப் படத்தின் ஹீரோயின், சுபிக்ஷா. ‘கடுகு’ படத்தின் மூலம் வெளிச்சத்துக்கு வந்த சுபிக்ஷா, இந்தப் படத்தில் இரண்டுவிதமான கேரக்டர்களில் நடிக்கிறாராம். கல்யாணத்துக்கு முன் சாதுவாக இருக்கும் பெண், கல்யாணமானபின் அனுபவிக்கும் அவஸ்தைகளால் வீறுகொண்டு எழுவாராம். இப்படியொரு வலிமையான கதாபாத்திரம் கிடைத்ததில் மகிழ்ந்துள்ள சுபிக்ஷாவுக்கு, விதார்த் ஜோடியாக நடிக்கும் படத்திலும் வலிமையான கேரக்டர்தானாம். 1985இல், குடிசைப் பகுதியில் வாழும் பெண்ணாக நடிக்கிறார். இதில், விதார்த்துக்கும், இவருக்கும் சரிசமமான முக்கியத்துவம் கொடுத்திருக்கிறார்களாம்.
