கடந்த சில நாட்களுக்கு முன் சமந்தா சிலம்பம் சுற்றும் வீடியோ வெளியாகி, வைரல் ஆனது. ‘இந்தப் படத்துக்காகத்தான் அவர் சிலம்பம் கற்கிறார்… இல்லையில்லை அந்தப் படத்துக்காகத்தான்…’ என்று பல வதந்திகள் கிளம்பின. ஆனால், அது எந்தப் படத்துக்காக என தற்போது தெரிய வந்துள்ளது. பொன்ராம் இயக்கத்தில் சிவகார்த்திகேயனுடன் நடிக்கும் படத்துக்காகத்தான் சிலம்பம் கற்று வருகிறாராம் சமந்தா. இந்தத் தகவலை இயக்குநர் பொன்ராம் உறுதிப்படுத்தியுள்ளார். ஜூன் மாதம் 16ஆம் தேதி முதல் இந்தப் படத்தின் ஷூட்டிங் தொடங்குகிறது. தனது முந்தைய படங்களான ‘வருத்தப்படாத வாலிபர் சங்கம்’, ‘ரஜினி முருகன்’ படங்களைவிட இந்தப் படம் நல்ல எண்டர்டெயினிங்காக இருக்கும் என்கிறார் பொன்ராம்.
