ஹீரோவா அறிமுகமாகிறார் கண்ணதாசன் பேரன்

பிரபல கவிஞரும், பாடலாசிரியருமான கண்ணதாசனின் பேரனான முத்தையா கண்ணதாசன், ஹீரோவாக அறிமுகமாகிறார். இந்தப் படத்துக்கு, ‘வானரப்படை’ என்று பெயர் வைக்கப்பட்டுள்ளது. பல விளம்பரப் படங்களில் குழந்தை நட்சத்திரமாக நடித்த அவந்திகா, முத்தையாவின் மகளாக நடிக்கிறார். ‘நேர் எதிர்’ படத்தை இயக்கிய ஜெயபிரதீப், சிறிய இடைவேளைக்குப் பிறகு இந்தப் படத்தை இயக்குகிறார். “பெற்றோர் – குழந்தைகளுக்கு இடையே சிறிய பிரச்னை தலைதூக்கும்போதே, அதைக் களைந்துவிட வேண்டும். இல்லையென்றால், அது மிகப்பெரிய பிரச்னையாக வளர்ந்து நிற்கும். இந்தப் படம், அப்படிப்பட்ட தலைமுறை இடைவெளியைப் பற்றிப் பேசுகிறது” என்கிறார் இயக்குநர்.