பா.இரஞ்சித் இயக்கத்தில் வெளியான ‘கபாலி’, எல்லா மொழிகளிலும் சூப்பர் டூப்பர் ஹிட். இதனால், அடுத்து தன்னை இயக்கும் வாய்ப்பை பா.இரஞ்சித்துக்கே கொடுத்தார் ரஜினி. அந்தப் படத்தை, நடிகர் தனுஷ் தன்னுடைய வுண்டர்பார் ஃபிலிம்ஸ் நிறுவனம் மூலம் தயாரிக்கிறார். கேங்ஸ்டர் கதையான ‘கபாலி’ போலவே, இந்தக் கதையும் கேங்ஸ்டர் கதையாக இருக்கும் என்கிறார்கள். அதற்கேற்ப, ‘பாட்ஷா’ படம் எடுக்கப்பட்ட மும்பைப் பகுதிகளைப் பார்வையிட்டு வந்திருக்கிறார் பா.இரஞ்சித். எனவே, ‘கபாலி’ படத்தின் இரண்டாம் பாகமாகக் கூட இது இருக்கலாம் என்கிறார்கள். இந்நிலையில், படப்பிடிப்பு மே மாதம் தொடங்கும் என அறிவித்துள்ளார் தனுஷ். படத்தின் ஆரம்பக்கட்ட வேலைகள் அனைத்தும் முடிந்துவிட்டதாம். ‘2.0’ படத்தின் ரஜினி சம்பந்தப்பட்ட காட்சிகள் முடிந்தபிறகு இந்தப் படத்தின் ஷூட்டிங் தொடங்க இருக்கிறது.
