அஜித்தை மீண்டும் இயக்க பிரார்த்திக்கும் இயக்குனர்

அஜீத், அசின் நடிப்பில் ‘ஆழ்வார்’ படத்தை இயக்கியவர் ஷெல்லா. 2007ஆம் ஆண்டு ஜனவரி மாதம் 12ஆம் தேதி இந்தப் படம் ரிலீஸானது. தற்போது இந்தப் படம் ரிலீஸாகி 10 வருடங்களுக்கு மேலாகிறது. அஜீத்தின் பிறந்தநாளை முன்னிட்டு ஷெல்லாவிடம் பேசியபோது, “நான் எஸ்.ஜே.சூர்யாவிடம் ‘வாலி’ படத்தில் உதவி இயக்குநராகப் பணியாற்றினேன். எனவே, அப்போதிருந்தே அஜீத் சாரை தெரியும். ‘ஆழ்வார்’ படத்தின் கதையை விவரித்தபோது, அவருக்கு பிடித்துப் போனதால் உடனே ஓகே சொன்னார். அவர், தமிழக மக்களுடைய ஆழ்வார். அவரை வைத்து மறுபடியும் ஒரு படம் இயக்க வேண்டுமென தினம் தினம் கடவுளிடம் பிரார்த்தனை செய்து வருகிறேன். என் பட ரிலீஸின்போது கடைசியாக அவரைப் பார்த்தது. கடந்த 10 வருடங்களாக மறுபடி அவரைப் பார்க்க முயற்சி செய்து கொண்டிருக்கிறேன்” எனத் தெரிவித்தார்.