ஜெயம் ரவி, ஹன்சிகா நடிப்பில் ‘எங்கேயும் காதல்’ படத்தை இயக்கியவர் பிரபுதேவா. தமிழை மறந்து சில வருடங்கள் பாலிவுட்டில் இருந்தவர், ‘தேவி’ படம் மூலம் இயக்குநராகவும், நடிகராகவும் திரும்பினார். அத்துடன், ஜெயம் ரவி, ஹன்சிகா நடித்த ‘போகன்’ படத்தையும் தயாரித்தார். இந்நிலையில், பிரபுதேவாவுக்கு ஜோடியாக ஹன்சிகா நடிப்பதாக கூறப்படுகிறது. கரண் என்பவர் இயக்குநராக அறிமுகமாகும் இந்தப் படத்துக்கு, ‘குலேபகாவலி’ என்று பெயர் வைக்கப்பட்டுள்ளது. தற்போது லட்சுமி மேனனுடன் ‘யங் மங் சங்’ படத்தில் நடித்துவரும் பிரபுதேவா, கார்த்தி மற்றும் விஷால் நடிப்பில் ‘கறுப்பு ராஜா வெள்ளை ராஜா’ படத்தை இயக்குகிறார்.
