8 தோட்டாக்கள்’ இயக்குநரைப் பாராட்டிய ரஜினி

வெளிவருகிற படங்கள் நன்றாக இருந்தால், சம்பந்தப்பட்ட இயக்குநர் மற்றும் நடிகரைப் பாராட்டுவது ரஜினியின் வழக்கமாக இருக்கிறது. சமீபத்தில் திரைக்கு வந்த ‘8 தோட்டாக்கள்’ படம், விமர்சன ரீதியாக நல்ல வரவேற்பைப் பெற்றிருந்தது. இதை அறிந்த ரஜினி, அந்த படத்தைப் பார்க்க ஆசைப்பட்டுள்ளார். ரஜினியின் அலுவலகத்தில் இருந்து இந்தத் தகவல் இயக்குநருக்கு மெயில் செய்யப்பட, அவர்கள் உடனே ரஜினி பிரத்யேகமாகப் பார்க்கும் வகையில் படத்தை அனுப்பி வைத்துள்ளனர். படத்தைப் பார்த்த ரஜினி, இயக்குநர் ஸ்ரீகணேஷுக்கு போன் செய்து பாராட்டியுள்ளார். திரைக்கதையும், எழுத்தும் நன்றாக இருந்ததாகப் பாராட்டியவர், குறிப்பாக எம்.எஸ்.பாஸ்கர் மற்றும் நாசர் இருவரின் பாத்திரப்படைப்பும் அருமையாக இருந்ததாகக் குறிப்பிட்டுள்ளார்.